З 22 жніўня (чацвер) па 25 жніўня (нядзеля) ладзіцца першы летнік для ўсіх ахвочых, каб дапамагчы аднаўленню палаца “Горватаў” 19 стагоддзя.
Арзанізатары падрыхтавалі насычаную праграму, якая аб’ядноўвае ў сабе:
- і дапамогу будаўнікам, якія цяпер займаюцца аднаўленнем даха;
- і навядзенне парадку на тэрыторыі палаца;
- і найцікавейшы рум-тур па ўсіх пакоях палаца;
- і нават майстар-клас па традыцыйных танцах для адпачынку пасля цяжкай працы!
Пражыванне (3 ночы) і харчаванне (3 разы на дзень) – бясплатна, дарога туды-назад – за кошт удзельнікаў.
Задача летніка – сабраць разам неабыякавых людзей, якія гатовыя дапамагчы нараўлянскаму палацу рукамі, мазгамі і сваімі навыкамі, файна і карысна правесці час у найпрыгажэйшым і натхняльным месцы і распачаць актыўны і эфектыўны валанцёрскі рух дзеля аднаўлення гістарычнай спадчыны.
Калі вы гатовыя далучыцца і жадаеце незабыўна правесці апошнія дзянькі лета, запоўніце, калі ласка, заяўку па спасылцы. Колькасць месцаў абмежаваная!
Ёсць пытанні? Пішы арганізатарам у Instagram