У Бабруйску ў гонар Веры Харужай назвалі вуліцу і школу. Але калі запытацца ў шараговага гараджаніна, хто гэта, хутчэй за ўсё пачуеш: “нейкая там рэвалюцыянерка”. Кім жа насамрэч была Харужая?
Гістарычны Бабёр распавядае пра важныя моманты жыцця Веры.
@histarycny_babior Пра якіх бабруйскіх жанчын варта распавесці? Прапануй ў каментарах #бабруйск #бобруйск #пабеларуску #белтыкток #рэкамендацыі #belarus
Глядзі відэа, дзяліся з сябрамі і абавязкова пішы, пра якія факты Бабёр не расказаў у відэа.
Як ты абіраеш тэмы для выпускаў? Ці бывае такое, што асабіста табе тэма не вельмі цікавая, але ўсё роўна бярэшся за яе, бо гэта частка гісторыі?
— У мяне ёсць спіс тэмаў. У тым ліку я спытваю людзей з Бабруйску – пра што і пра каго ім было б цікава пабачыць відэа. Таксама мы з калежанкай, якая дапамагае мне са сцэнарамі, абмяркоўваем тэмы. І шукаем розных людей – асабліва жанчын, бо пра іх мала расказваюць у гісторыі. Але жанчын менавіта з Бабруйску: магчыма, яны і не пражылі ўсё жыццё тут, але мелі карані ці атрымлівалі адукацыю ў Бабруйску, ці жылі тут у падлеткавым узросце, фарміраваліся – і цікава, як склалася іх жыццё.
Таму ёсць у планах вялікая колькасць персаналій. І цікава, што мы перайшлі на персоны, бо гісторыю людзі і робяць. Гісторыя – гэта не сухія даты, гісторыя – гэта падзеі, а падзеі робяць людзі. І менавіта людзі характарызуюць тыя ці іншыя перыяды. Але ўсё роўна ёсць праблемка, што ў відэа ты па вярхах закранаеш біяграфію чалавека, намагаешся паказаць яго адмысловыя рысы. Вельмі складана ў такім сціснутым фармаце расказаць цікава і шмат, але мы намагаемся, і спадзяемся, што атрымліваецца.
