Не памылімся, калі выкажам здагадку, што любому гледачу вельмі хочацца апынуцца за кулісамі тэатра, убачыць, як усё ўладкавана па тым боку рампы. Фантазуючы, вы можаце пабадзяцца па вытворчых цэхах, адчуць хвалюючы пах касцюмернай, вынырнуць у рэпетыцыйную залу і з заміраннем сэрца спыніцца ў галоўнай загадцы, святая святых – акцёрскай грымёрцы. А калі грымёрка яшчэ і жаночая? І ў гэтай грымёрцы не адна акторка, а чатыры: рознага ўзросту, рознай ступені таленту, а галоўнае – чатыры розныя жаночыя лёсы?
Камедыя «Грымёрка.Вось так і жывем» запрашае ў таямнічую і вясёлую прыгоду: гледачы нарэшце змогуць апынуцца ў закуліссі і даведацца, што робіцца ў жаночай грымёрцы перад спектаклем, у антракце і пасля яго…
Рэжысёрка-пастаноўшчыца – Наталля Кашпур
Працягласць спектакля – 1 гадзіна 30 хвілін, без антракта
Дзе: Магілёўскі абласны тэатр драмы і камедыі ім.В.Дуніна-Марцінкевіча
Калі: 15 – 16 студзеня, 18:00
