Махлярства, старажытны дацкі герб, разбор шляхты, падробка дакументаў, зняволенне, прыгонны тэатр, паўстанне, першая беларуская опера, Менск. Усё гэта – пра Вінцэнта Дунін-Марцінкевіча, «бацькі» беларускай драматургіі, лёс і творчасць якога сталі тэмай адного з выпускаў падкасту «Спіс на лета».
Калаж: 1387.io
Як так атрымалася, што беларускі тэатр пачаўся са стэндапу? Чаму Вінцэнт Дунін-Марцінкевіч – ніякі не Дунін, а «Пінская шляхта» – не пінская і не шляхта? І хто насамрэч напісаў гэтую смешную і з’едлівую п’есу? Распавядаюць выкладчыца Марына Казлоўская і паэтка Дар’я Бялькевіч.
У падкасце вядоўцы згадваюць творы Дунін-Марцінкевіча «Ідылія» і «Пінская шляхта», а таксама «Тямніцы Дунін-Марцінкевіча» Змітра Дразда.
«Спіс на лета»– літаратурны падкаст праекту wir.by, у якім кандыдатка філалагічных навук Марына Казлоўская і паэтка Дар’я Бялькевіч размаўляюць пра класічныя творы беларускай літаратуры і шукаюць адказы на пытанні: ці трэба перачытваць класіку ў дарослым узросце? І як гэта рабіць? Наколькі адрозніваецца ўспрыняцце твораў у залежнасці ад узросту?
Паслухаць падкаст пра нашага славутага земляка можна па спасылцы.