Ілюстрацыйнае фота: Samuel Peter
Бо важна не толькі зрабіць годную справу «для галачкі», але пры гэтым не аказаць мядзведжую паслугу валанцёрам, многія з якіх шмат год ахвяруюць уласным часам і не толькі, каб рабіць свет вакол сябе лепшым.
І нават сарціроўка прынесеных рэчаў – цяжкая праца.
Нядаўна на старонцы арганізацыі «Справядлівая дапамога», якая спрыяе бяздомным, маламаёмасным людзям, сіротам і шматдзетным сем’ям, зʼявіліся парады з шэрагу «не нашкодзь». Дзелімся некаторымі з іх з табой:
Калі ты вырашыў(ла) развітацца з непатрэбным адзеннем, памятай:
- гэтыя рэчы мусіць быць не сорамна апрануць табе самому(ой)
- рэчы па сезоне (бо арганізацыі не маюць вялікіх сховішчаў, каб зімой прымаць летнія рэчы)
- рэчы добрай якасці, цэлыя, якія паслужаць яшчэ доўга
- чыстае адзенне і абутак
Не трэба аддаваць:
- маральна састарэлыя рэчы кшталту бабулінага палітона ці татавага пінжака з выпускнога
- расцягнутыя, пацёртыя, лінялыя рэчы
- брудныя, з кепскім пахам, з цвіллю
- рэчы з натуральнага футра, скуры, пуху ў дрэнным стане
Калі гэта посуд, на ім не павінна быць расколінаў і парэпінаў.
Што будзе сапраўды актуальным зараз?
- Святочныя дзіцячыя рэчы (малодшага і старэйшага ўзросту) – бо дзецям з шматдзетных і маламаёмасных семʼяў хочацца прывабна выглядаць, каб іх не дражнілі за адзенне.
- Навагоднія ялінкі, упрыгожанні (цацкі).
Куды прынесці?
У пункт прыёму «Справядлівай дапамогі», Бабруйск, вул. Крапасны Вал, д. 21 (раён Лядовага).
Кантактная інфармацыя памочнікаў Дзеда Мароза: 8029 872-48-56
Каму яшчэ можна дапамагчы ў Бабруйску?
- Праект для людзей з інваліднасцю (вазочнікаў) «Вместе» – адукацыйны, з псіхалагічнай падтрымкай.
- «Клуб 28 петель». Бабруйск – дапамога дзецям, якія нарадзіліся раней тэрміну.
- «Крышарики» – экалагічны праект, які збірае пластыкавыя накрыўкі ў перапрацоўку, а грошы ідуць на дапамогу хворым дзецям.
Фота: Sam Lion
Дапамога жывёлам:
- Прытулак для жывёлаў «Добродетель» – ратуе котак і сабак ад усыплення.
- «5 свобод» – прытулак для бяздомных жывёлаў. Пазнаёміцца з гадаванцамі можна таксама ў ГЦ «КАРУСЕЛЬ», павільён 7.
- «Собачье сердце» – прытулак для бяздомных жывёлаў.