У кавярні «Любімае месца» 22 лютага прайшло незвычайнае для Бабруйску мерапрыемства – таемны буккросінг. Любы ахвочы мог прынесці кнігу і ўзамен узяць сабе іншую. Таемным абмен быў там, што ўдзельнікі выбіралі кнігі паводле апісання, вокладкі былі схаваныя.
![](https://1387.io/wp-content/uploads/2022/02/photo5233648960390937242.jpg)
Таемны буккросінг у Бабруйску.
Ініцыятаркай ідэі стала стваральніца і вядоўца «Кніжнага клубу» у Бабруйску Юлія Буднік.
«Я ўбачыла на OZ, што яны праводзілі такі таемны буккросінг, «фішкай» якога быў выбар кнігі паводле апісання. Я ім пісала некалькі разоў, прасіла праводзіць у Бабруйску, але яны ўсё абіралі іншыя гарады, – распавядае Юлія, як нарадзілася ідэя. – І ўрэшце рэшт падумала, што калі буккросінг не едзе да нас, мы самі можам яго арганізаваць. Мне падаецца, гэта вельмі файная ідэя».
![](https://1387.io/wp-content/uploads/2022/02/photo5235873010420922251.jpg)
Таемны буккросінг у Бабруйску.
![](https://1387.io/wp-content/uploads/2022/02/photo5235873010420922249-e1646025379887.jpg)
Таемны буккросінг у Бабруйску.
Юлія распавядае, што бабруйчане падтрымалі ідэю буккросінгу – быў моцны водгук у сацсетках, таксама з першых жа хвілін прыйшлі паўдзельнічаць сябры «Кніжнага клубу» – такія ж аматары кніг, як і сама Юлія.
Першыя 20 удзельнікаў буккросінгу атрымалі падарунак – ільняную закладку ручной працы.
Кнігі, якія не забралі, засталіся ў «Любімым месцы» – для іх зрабілі адмысловы домік. Цяпер у кавярні можна не проста паабедаць, папіць кавы, але і абмяняцца кнігамі. Цяпер ужо ў адкрытым фармаце – вокладкі кніг больш не схаваныя. Любую кнігу можна забраць з сабой, аднак арганізатары просяць прынесці таксама кнігу ўзамен, у акуратным стане і пажадана актуальную і цікавую для большасці, не вузкаспецыяльную. Таксама адна з умоваў – у буккросінгу ўдзельнічае літаратура для дарослых.
![](https://1387.io/wp-content/uploads/2022/02/photo5233648960390937246.jpg)
Таемны буккросінг у Бабруйску.
![](https://1387.io/wp-content/uploads/2022/02/photo5233648960390937252.jpg)
Таемны буккросінг у Бабруйску.
![](https://1387.io/wp-content/uploads/2022/02/photo5233648960390937257.jpg)
Таемны буккросінг у Бабруйску.
![](https://1387.io/wp-content/uploads/2022/02/photo5233648960390937259.jpg)
Таемны буккросінг у Бабруйску.
![](https://1387.io/wp-content/uploads/2022/02/photo5233648960390937263.jpg)
Таемны буккросінг у Бабруйску.