Сямён Абрамаў стварыў пано ў 1968 годзе, адзін – ад эскіза да мантажу. Як адзначае мастак, яго праца і дагэтуль, праз 55 гадоў, знаходзіцца ў выдатным стане.
Сюжэт мазаікі на «марзонаўцы» – без савецкай ідэалогіі, ён прысвечаны выключна медыцыне.
Нагадаем, роўна год таму ў Бабруйску без шкадавання ўжо знішчылі адну мазаіку – на будынку былой футравай фабрыкі. Напэўна, у «Чырвонай жанчыне» таксама не заўважылі хоць нейкай каштоўнасці.
Адзін з будынкаў былой футравай фабрыкі на Бахарава знеслі, а разам з ім – мазаіку. Фотафакт
Ад таго часу прайшло ўсяго пара месяцаў, як зʼявілася яшчэ адна непрыемная навіна – стары хірургічны корпус лякарні імя Марзона ідзе пад знос, а разам з ім – пано Абрамава.
Не, мы не супраць таго, каб у бабруйчанаў зʼявіліся добрыя ўмовы для лекавання, але тэхнічна гэтую мазаіку можна акуратна дэмантаваць (пра што казаў і сам Абрамаў) і захаваць для будучых пакаленняў.
Па ідэі на тое, ці мусяць захоўвацца творы манументальнага мастацтва, могуць уплываць самі гараджане. Пра гэта кажа Кодэкс РБ аб культуры. Пра яго мы падрабязна пісалі ў гэтым матэрыяле:
Напрыклад, у Кодэксе адзначаецца, што з часу першапачатковага стварэння нерухомай матэрыяльнай культурнай каштоўнасці павінна прайсці не менш за сорак гадоў. А мазаіка Сямёна Абрамава нават старэйшая за патрэбны тэрмін.
Мы ведаем, што некаторыя бабруйцы пісалі звароты ў гарвыканкам, з просьбай захаваць мазаіку. «З гарвыканкаму прыйшоў адказ, што перадалі нашу просьбу ў аддзел архітэктуры і будаўніцтва. Аб выніках паведамяць», – расказала нам адна з чытачак.
А вось што піша «Вячэрні Бабруйск»: «Пажаданні гараджан пераадрасавалі заказчыку рэканструкцыі (упраўленню капітальнага будаўніцтва Бабруйска). Як паведаміў прадстаўнік прадпрыемства, мазаічнае палатно не ўваходзіць у пералік гісторыка-культурных каштоўнасцяў, таму будзе дэмантавана разам з будынкам. Сам знос павінен пачацца ўжо ў адыходзячым годзе – як і было заяўлена ў планах».
Чаму мы лічым, што мазаікі – гэта мастацтва?
Дарэчы, так лічым не толькі мы. Меркаванні знаных даследніц можаш пачытаць на сайце віртуальнага Музея мазаік.
https://mosaic.1387.io/
А тут – пра тое, як бабруйскі аматар мастацтва збірае фота мазаік не толькі ў нашым горадзе, але па ўсёй краіне.
Хочаш штодня мець пры сабе бабруйскія мазаікі? Пампуй наш стыкерпак і цані тое прыгожае, што мае (ці пакуль мае) наш горад!
“Бабруйск – цэнтр сусвету”: стыкерпак з элементаў мясцовай мазаікі для Telegram