Конкурс-выстава ART PRADMOVA дае цудоўную магчымасць маладым творцам не толькі даведацца кампетэнтнае меркаванне вядомых майстроў пра свае працы, але і звярнуць на сябе ўвагу беларускіх выдаўцоў і гледачоў, дае шанец атрымаць новыя цікавыя замовы і зрабіцца лепш бачнымі ў публічнай прасторы.
Умовы ўдзелу ў конкурсе:
- Конкурс-выстава праводзіцца на падставе Рэгламенту (прадстаўлены ніжэй).
- Узрост удзельнікаў конкурса – ад 17 да 35 год (уключна) на момант правядзення конкурса.
- На конкурс прымаюцца працы, звязаныя з кнігамі (вокладкі, ілюстрацыі, арт-букі, мастацкія праекты і іншае), выкананыя ў любых тэхніках (выдадзеныя ці нявыдадзеныя): ад аднаго ўдзельніка на конкурс можа быць пададзена толькі адна заяўка (максімальна адзін твор/аб’ект, да 5 ілюстрацый на разгляд журы).
- Усе заяўкі падаюцца ў электроннай форме да 27 жніўня 2023 (уключна) на адрас: art.pradmova@gmail.com. Заяўка мусіць утрымліваць кароткія звесткі пра ўдзельніка (імя, прозвішча, год і месца нараджэння, адукацыя, творчы псеўданім пры наяўнасці), прапанаваны твор (назва, арыгінальны памер, тэхніка выканання, год стварэння) і мець прыкладзеныя выявы аб’ектаў (кніг/ілюстрацый) у лічбавай форме (разрашэнне 300 dpi).
- Пры сумеснай працы над праектам кожны ўдзельнік падаецца асобна з той часткай працы, якую ён выконваў.
- На конкурс не прымаюцца працы, якія падаваліся на ART PRADMOVA мінулых гадоў.
- Удзельнікі конкурсу даюць свой дазвол на выкарыстанне іх твораў (ці іх фрагментаў) арганізатарамі фестывалю інтэлектуальнай кнігі PRADMOVA у рэкламных ці экспазіцыйных мэтах на час падрыхтоўкі і правядзення фестывалю (па выніках адбору журы конкурса).
Дыпломы і ўзнагароды ўдзельнікі конкурса-выставы змогуць атрымаць па наступных намінацыях:
- Арт-бук (любое нетыражнае выданне з выразнай мастацкай канцэпцыяй);
- Тыражная кніга (друкаванае ці лічбавае выданне або макет кнігі);
- Ілюстрацыя (за найлепшую тэхніку выканання);
- Ілюстрацыя (за наватарства/эксперымент);
- Ілюстрацыя (за лепшае прачытанне тэмы);
- Гран-пры фестывалю (за самы выбітны твор).
Шорт-ліст конкурса-выставы будзе абвешчаны на працягу 14 дзён пасля завяршэння прыёму прац. Найлепшыя творы па выніках працы журы конкурса будуць выстаўленыя на адмысловай экспазіцыі конкурсных прац у межах Беларускага фестывалю інтэлектуальнай кнігі PRADMOVA. Выстава і фестываль будуць адбывацца ў кастрычніку 2023. Цырымонія ўзнагароджання пераможцаў конкурса адбудзецца таксама на фестывалі паводле праграмы мерапрыемстваў.
Арганізатары: Аргкамітэт па правядзенню фестывалю інтэлектуальнай кнігі PRADMOVA.
Куратар конкурса: мастак, дызайнер – Зміцер Герасімовіч.