13 ліпеня бабруйскаму мастаку і керамісту Анатолю Концубу споўнілася 75 гадоў. Адмыслова да юбілею ў Менску ў галерэі «Мастацтва» 16 ліпеня адкрылася аўтарская выстава мастака «Дарога да дому».
![](https://1387.io/wp-content/uploads/2024/07/konczub-1024x886.jpg)
Анатоль Концуб на адкрыцці выставы «Дарога да дому» у Менску, 16 ліпеня 2024 года. Фота: Анатоль Концуб / Facebook
Выстава спалучае як жывапісныя, так і керамічныя працы спадара Анатоля. Пабачыць яе можна да 3 жніўня.
Адрас: г.Менск, пр.Незалежнасці, 12, Салон, галерэя «Мастацтва».
Анатоль Концуб нарадзіўся 13 ліпеня 1949 года ў вёсцы Колкі Столінскага раёну Берасцейскай вобласці. Дзіцячыя і школьныя гады правёў на Палессі, у Давыд-Гарадку. З 1971 года жыве ў Бабруйску.
![](https://1387.io/wp-content/uploads/2024/07/451757857_2729854007191197_5578177613457252537_n-1024x770.jpg)
Анатоль Концуб на адкрыцці выставы «Дарога да дому» у Менску, 16 ліпеня 2024 года. Фота: Анатоль Концуб / Facebook
![](https://1387.io/wp-content/uploads/2024/07/451074479_2729852440524687_1172426299625673666_n-1024x786.jpg)
Анатоль Концуб на адкрыцці выставы «Дарога да дому» у Менску, 16 ліпеня 2024 года. Фота: Анатоль Концуб / Facebook
Працуе ў галіне мастацкай керамікі, станковага жывапісу ў жанрах фігуратыўнай карціны, пейзажа і нацюрморта, манументальна-дэкаратыўнага роспісу. Сталы ўдзельнік міжнароднага пленэру па кераміцы, які праводзіцца пад Бабруйскам, – «Арт-Жыжаль».
Анатоль Концуб – сябра Беларускага саюзу мастакоў. З 2018 года – сябра-карэспандэнт Міжнароднай акадэміі культуры і мастацтва.
Першы партрэт Купалы, “пятнашка” і “залётны” рэкардсмен. Чым адметнае мастацкае жыццё Бабруйска?
![](https://1387.io/wp-content/uploads/2024/07/451586428_2729851163858148_6657659276206067859_n-768x1024.jpg)
Анатоль Концуб на адкрыцці выставы «Дарога да дому» у Менску, 16 ліпеня 2024 года. Фота: Анатоль Концуб / Facebook