Расказваем, як дапамагчы экаваланцёрам у змаганні з пластыкавымі кветкамі на Радаўніцу

21

Мы перакананыя, што Радаўніца мусіць быць без пластыку!

Пра праблему забруджвання глебы і паветра штучнымі кветкамі бабруйскія экаваланцёры кажуць ужо не першы год год. А цяпер – да добрай справы можаш далучыцца і ты!

@eco.bobr падрыхтавалі зварот у Міністэрства аховы прыроды аб абмежаванні продажу ці забароне пластыкавых кветак на гэтае свята.

Як далучыцца?

1. З 7 красавіка (нядзеля) на вахце Елісавецінскага храма (Чырвонаармейкая-65) можна будзе падпісаць зварот. Фінал збору подпісаў – 14.00, 9 красавіка (аўторак).
2. Не набываць пластыкавыя кветкі на могілкі і параіць не рабіць гэтага сваякам і сябрам.
3. Расказаць пра шкоду штучных кветак у сваіх сацсетках. Нагадаем, што кожны год беларусы(кі) прыносяць на могілкі мільён пластыкавых кветак, гэта дзясяткі тон шкодных рэчываў, якія трапляюць у ваду, глебу, паветра!

Пра тое, якое аздабленне могілак было традыцыйным у Беларусі, а таксама пра сучасныя альтэрнатывы, можна пачытаць па гэтай спасылцы:

“Фотаздымак іранічны. Я ўявіла, што гэты букет мне падарыў мужчына”. Экаактывістка заклікае не набываць на Радаўніцу пластыкавыя кветкі

А вось што кажа пра пластыкавыя аздабленні царква:

Ці вітае царква пластыкавыя кветкі і вянкі, наколькі такія ўпрыгожанні традыцыйныя? Расказваюць экаактывісты